لتحضير الأرز :
اولاً نأتي بالأرز ونقوم بغسله جيداً حتى نتخلص من النشاء الموجود به ثم نقوم بنقعه في الماء لمدة نصف ساعة - لساعة، ثم نأتي بوعاء ونضع فيه زيت ، سمنة ونرفع الوعاء على النار ( انتو فيكم تحطوا بس زيت لكن أصول الأكلة هي بالسمنة ليش كمان منضيف الزيت ؟ مشان لمعة الرز ، الرز يطلع مفرفد لان السمنة بتخلي الرز يكون متماسك مع بعض اكثر )، ثم ننزل عليهم في الجزر المقطع لأصابع، زبيب اسود ونقوم بقليهم (( اول ما تاكلوا هاد الرز اول طعمة بتجيكم هي الحلاوة طيب من وين هي الحلاوة ؟ اكيد ما عم يحطوا سكر , الحلاوة بتجي من الجزر والزبيب الاسود )،( وأهم شغلة لما بدكم تحمصوا الزبيب النار بتكون هادية يعني الزيت ما بكون حامي بيحترق الزبيب على نار هادية بتخلوه يتحمص مع الجزر يعني مو تحميص شي انو يرخوا معكم ))، ومن ثم نرفع تقريباً 60% من الحشو ( الجزر ، الزبيب ) ونتركهم جانباً، وبعدها ننزل عليهم بالبصل مفروم ناعم ونقليهم مع بعضهم ، ملح ( حسب الرغبة ) ، كمون ناعم (( البهار الأساسي لهي الأكلة هو الكمون )،( اذا بدكم تحطوا شي للنكهة فيكم تحطوا عود قرفة ))، قرفة و نحمص المكونات مع بعضها، ثم نضع الماء وعند غليان الماء نضيف الأرز ونتركهم لمدة 7 دقائق تقريباً على نار عالية (لحتى ينشف الرز ويضل شوية ماء بسفل الطنجرة) نقوم بغلق الوعاء بالغطاء الخاص به ( الرز صرلوا 7 دقايق على اقوى نار وبعد هيك بتفتحوا الغطاء بكون في شوية ماء بسيط ما بتحركوه ولا بتعملوا أي شي ، بتطفوا هي النار تحتو وبتحطوه من العين الكبيرة لأضعف عين عندكم وبتجيبوا الحشو وبتحطوهم على جنب الرز، وبتغطوا الطنجرة بالقصدير وبتشغلوا النار على اخف شي وبتسكروا الغطاء وبتتأكدوا انو ما عم ياخد هوا وبتتركوهم 10 دقايق ) وبعد مرور 7 دقائق نخفف النار لأخفض درجة تحت الوعاء ونترك الأرز حتى الاستواء، وبعد استواء الأرز نرفع الطنجرة عن النار ونفتح الغطاء ( اهم شغلة بتعملوها لما تكشفوا عن الأرز: اولاً نرفع الحشو من عن الأرز وبتجيبوا الملعقة او كفكير وبترفعوا الأرز من عن الأطراف ليش عم انهظ الأرز ؟ تحت في بخار كل ما عم انهض عم يطلع بخار هاد البخار اذا ما طلعتوه ورجعتوا سكرتوا عليه رح تلاقوا الرز خبص معكم وتكسر)، ثم نقوم بسكب الأرز في وعاء التقديم ونضع عليه الدجاج المشوي ، الحشوات على حواف قطع الدجاج و فوق الأرز وبعدها يصبح الرز البخاري جاهزاً للتقديم (شو الفرق بين الرز البسمتي والرز البنجابي او الأبيض؟الرز البنجابي خفيف , حبتوه طويلة , بيستخدم للمندي , برياني , طبخوا جداً سهل , هاد الرز بحالة وحدة ما فينا نستخدم شغلة فيها صوص يعني مثلاً كبسة هاد الارز اكثر شي بيستخدموه بأكلات الرز الابيض يعني الي هيك بكون مرتاح فيها الرز , اما الرز البسمتي هاد طبخوا مانو سهل يعني الغلطة بتكب الرز , و الغلط فيه بكسر الرز ).
لتحضير صلصة الدقوس البارد :
اولاً نأتي بوعاء ونضع فيها بندورة معلبة، فليفلة خضراء ( فيكم تحطوا فليفلة حارة او حلوة حسب الرغبة ) ، ثوم ، ملح ، سكر ، كزبرة يابسة (فيكم تحطوا كزبرة خضرا) ، عصير ليمون حامض ثم نخلط المكونات مع بعضهم بالآلة الكهربائية ثم يصبح الدقوس جاهزاً .
Page 1 of 1.