طريقة تحضير اللحمة:
اولاً نأتي باللحمة ( فيكم تحطوا من الفخذ , الكتف , الصدر ) نضع فوقهم اللية المفرومة ونقوم بفرمهم بالآلة الكهربائية ومن ثم نضعهم بوعاء و نضع عليهم البصل المفروم ( بس ما كثير تفرموا البصل ) , الملح ( لكل كيلو لحمة بياخذ ملعقة ملح ) , الفلفل الاسود ونخلط المكونات جميعها جيداً ( لازم نحافظ على اللحمة باردة لان اللحمة بس اجاها شوية شوب بتصير طعمتها غير وممكن تخم معكم ) وبعدها نضع اللحمة في صينية الفرن ونقوم بفردها ( اذا ما عندكم فرن فيكم تشوها على الفحم , بتشغلوا منقل الفحم وبتخلوا النار بعيدة بتحطوا الصينية فوق المنقل وبتجيبوا صينية ثانية وبتحطوها فوقها وبتاخدوا قسم من الفحم وبتحطوا على وجها , بتنشوا من الوجه ومن تحت وبتستوي وبتطلع طعمتها خرافية وبتاخد من نكهة الفحم ) ، وبعد فرد اللحمة في الصينية نقوم بعمل فراغات أو اشكال ( ليش الفراغات ؟ منشان يضل الدهن بقلب هي الفراغات عم يغذي اللحمة وعم ينغنها ويسئسئها وعم يشكلسلها أمورها) ثم نقوم بتشغيل الفرن (من فوق وتحت) ونضعه على حرارة 250 أي أعلى حرارة.
Page 1 of 1.