Image alt

Ashure dessert

حلوى عاشوراء هي الحلوى المصنوعة في البلدان الاسلامية، وهي حلوى تصنع  من القمح والبقوليات ؛سميت بالعاشورية لأنها تقدم يوم عاشوراء في شهر محرم وتحلى بالسكر او دبس ثم تقدم في أطباق وتزيَّن بالزبيب، وجوز الهند، والمكسرات .

Total Time
45 mins
Yield
Serves 31

How to Make It

  • 1. Part

    طريقة سلق الحبوب:
    اولاً نضع كل نوع في وعاء ومن ثم نضيف الماء على كى نوع من الحبوب (( منشان يسهل عملية الاستواء)،( الفول المفلوق اذا ما عندكم منو فيكم تنقوا الفول بقشره نهار كامل وبعد ما تنقعوه بتفكوا القشرة وبينفلق معكم بكل سهولة)، ( كل نوع من الحبوب بتاخد وقت بالسلق  , القمح والفاصوليا بحطلهم ماء٦ فيجة لان بدي ارجع استخدم الماء الي سلقتهم فيها اما الفول والحمص بدي حطلهم ماء من الحنفية لان الماء ما عاد بدي استعملها , طبعاً الحبوب مغسولة كثير منيح )) ثم نضعهم على النار ونتركهم حتى الغليان (وبعد الغليان تظهر رغوة على الوجه هي الرغوة بسموها زفرة البقوليات ولازم نقش هي الزفرة ) , ( الحمص في نوع بيجي مقشور ومفلوق فيكم تستعملوا اذ هذا مو متوفر , اذا هذا الحمص الحبة كاملة متوفر بياخذ وقت بسلق فنحنا شو منحطلوا ؟ منحط كربونات الصوديوم بس الماء تبع الحمص ما عاد منستعملها لان دخل فيها كربونات ) , ( القمح بينطبخ نص طبخة يعني بينسلق نص سلق  ) , ( الفاصوليا بتنسلق على الاخير بس ما بتفرط لازم يكون فيها قرشة) , ( الفول المفلوق بس يستوا اذا تركتوا على النار دغري بذوب فلازم ننتبه يضل فيو قرشة ) , ( الحمص بدي اسويه لحتى يضل فيو قرشة ليش ؟ لان بدو يرجع ينطبخ مع القمح بياخذ استواء كامل بس كمان بضل بحافظ على قوامو) وبعد سلق القمح نص سلق نقوم بتغطية الوعاء ومن ثم نضع عليه قطعة قماش ونتركه قليلاً حتى يشرب الماء ( نغطي الطنجرة ونكمرها ببطانية ,  شو بصير بس نكمرها؟ حبة القمح على البخار بتفتح وبتصير طرية ومحافظة على قوامها اما اذا تركتوه عم يغلي ليستوي القمح بسموها ينمرت القمح يعني بروح القوام تبعو , لحتى نحافظ على القوام تبعو منعمل هي الطريقة)،( الحمص بس تشوفوا حبة حبتين بلش يطلع القشر تبعهم معناتا خلص استوى وبنفس الوقت الحبة محافظة على قوامها واذا لقيتو رح يستوي كثير بتفتحوا الماء الباردة عليه , الماء الباردة بتوقف عملية الاستواء وانا هيك رح اعمل )،(الفول كمان استوى معنا ؛الفاصوليا بعد ما تستوي ما منكب الماء عنها والحبة محافظة على قوامها )،( تقريباً اخذوا معنا سلق 25 دقيقة )).

  • 2. Part

    طريقة طبخ الحبوب:
    بعد الانتهاء من سلق الحبوب نأتي بوعاء كبير ونضع به القمح , الفاصوليا مع الماء ( ليش منحط الماء ؟ لان فيه نكهة القمح والفاصوليا نكهة طيبة ) ثم نضع الفول والحمص فوقهم ( طبعاً الفول والحمص فوراً بترفعوهم على ماء بارد بعد السلق وخصوصاً الفول لان ما بيتحمل وبيفرط فوراً ) ثم نضع مشمش مجفف , زبيب (هلق الخيار الكم فيكم تحطوا حليب او ماء هاد الموضوع بيرجع الكم وانا رح حط ماء )، ماء وبعدها نضع الوعاء على نار متوسطة ونترك الوعاء حتى الغليان ومن ثم نضيف دبس التمر ونقوم بتحريك المكونات ((فيكم تحلوها بشغلتين سكر او دبس تمر )،(طبعاً هي بيتغير لونها بدبس التمر بروح على لون غامق , بالسكر بضل لونها ابيض ؛اذا بدكم تحطوا سكر تقريبا بتحطوا 3  كاسات طبعاً انتوا هون مو مجبورين بتحطوا شوية سكر وبتذوقوا لحتى يذوب السكر وتذوقوا لتلاقوا النتيجة الطعم الحلو الي بدكم ياه)) ، ثم نضيف اليانسون والشمرا ( شو هي الدقة ؟ هي مكونة من شغلتين الي هنن شمرا ويانسون هي هي بهاراتها للحبوب بدون هدول ما بتعرف نكهة الحبوب) , ( لما يكون القمح لسا في ماء كثير يعني شرب ماء ولسا ضل في ماء ما عاد في داعي نحط نشا لحتى تسمك بتسمك منا وفيها يعني من الفاصوليا من القمح وممكن اذا بتتركوها وقت طويل على الغاز وعلى نار هادية ممكن تسمك , لكن نحنا المكونات ما بدي ياها تستوي كثير و ما فينا نخليها وقت طويل على النار فعندي هون ماء ونشا بذوبهم بماء باردة بنزل شوي منهم ما بكثر بنزل لحد ما شوف هي قديش بتاخذ وبحرك لحتى شوف القوام الي بدي ياه واذا ما عطاني القوام الي بدي ياه بزيدهن) ونستمر بنتحريك المكونات حتى نحصل على القوام المطلوب ومن ثم نرفعهم عن النار ونقوم بسكبهم في وعاء التقديم ونتركهم قليلاً(لحتى يبردوا)  وبعدها تزيَّن في القليل من اليانسون والشمرا , جوز الهند , رمان , جوز, مشمش مجفف , زبيب اسود ثم تصبح حلة العاشوراء جاهزة.


    Comments

      • Page 1 of 1.
    Your Rating

    Ingredients

    • 1 kilo of wheat (5 cups)
    • 2 cups of beans
    • 2 cups chickpeas
    • 2 cups Bean
    • Immersion water (for boiling cereals)
    • Quarter of a tablespoon of carbonate
    • Quarter kilo of dried apricots (250 grams)
    • Quarter a kilo of raisins (or any type available)
    • Water (you can use milk instead of water, as desir
    • Half a kilo (two cups) of date molasses (you can u
    • 1 tablespoon fennel
    • 1 tablespoon of anise
    • Half a liter of cold water + 3 tablespoons of corn
    • for the top:
    • Pinch of anise & fennel
    • Coconut
    • pomegranate
    • walnut (you can use any type of nuts)
    • black raisin
    • dried apricots

    Tags

    Share Recipe

    Other Recipes You May Like

    Course Title

    Eid Maamoul

    4.6 (13)
    Course Title

    Yalanji Molouki special recipe from Chef Omar

    4.2 (6)
    Course Title

    Bakdash ice cream

    4.6 (8)
    Course Title

    Lentils with pasta

    5.0 (2)
    Course Title

    Turkish borek pasta

    4.7 (3)
    Course Title

    Lazy Cake Cheese Cake

    4.3 (3)
    Course Title

    Shakshuka

    4.3 (3)
    Course Title

    Shami Ouzie with cucumber salad with yogurt and cheese roll

    4.7 (3)