Chef Omar - Charcoal grilled burger

How to Make It

1. Part

لتحضير البرجر:
نأتي باللحمة المفرومة (70% لحمة عجل , 30% لحمة خاروف , 25% دهن خاروف ) ونقوم بتشكيلها على شكل كرة ومن ثم نقوم بالضغط عليها باليد قليلاً ((ما تعجنوا اللحمة كثير لان بتطلع الهوا منها وبتطلع الدهون فلازم نحافظ على الدهون يلي فيها ) ؛(لازم يكون وزن قطعة اللحمة 220 ما تعملوها رفيعة)) وبعد تشكيل كرات اللحم نقوم بشويها على شواية الفحم ونضيف لها ملح ( لازم تملحوا اللحمة فوق النار , لما بتملحوها قبل اللحمة بطالع الماء تبعها ) , فلفل ونقوم أيضاً بشوي الخبز قليلاً، وبعد تحميص الوجه الأول للحمة نقوم بشوي الوجه الآخر ( بتاخد اللحمة تحميص على كل وجه 2_3 دقيقة ) وبعدها نضع الجبنة على قطعة اللحمة ونتركها حتى تسخن.

2. Part

لتحضير صوص البرجر:
نأتي بوعاء ونضع فيه المايونيز , الكتشب (دائماً الكتشب ثلث المايونيز , يعني اذا 3 ملاعق مايونيز بتحطوا ملعقة وحدة كتشب ) , القليل من الخردل , القليل من الشطة (حسب الرغبة؛ وإذا عندكم ماء مخلل فيكم تحطولا) ثم نخلط المكونات جميعها.

طريقة كرملة البصل:
في وعاء نضع بصل مقطع لشرائح، قطعة زبدة ( بتتركوا الطنجرة مفتوحة ) ونضيف القليل من الملح (وكل ما تنشف بتزيدوا ماء بس بدون ما يحترق البصل معكم لأن اذا احترق البصل معكم بصير مر) ثم نقوم بتحميص المكونات.

مرحلة التطبيق :
نأتي بقطعة من الخبز المحمص ونضع عليها صوص البرجر ثم البصل المكرمل , مخلل , خس , بندورة مقطعة , قطعة اللحمة المشوية ومن ثم نضع صوص البرجر على القسم الثاني للخبز ونقوم بوضعها فوق قطعة اللحمة السابقة وبعدها يصبح البرجر جاهزاً.