لتتبيلة الدجاج:
اولاً نقوم بفرم صدر الدجاج وجه واحد في آلة الفرم الكهربائية ( وفيكم بمحضرة الطعام او عند اللحام) ونضعهم في وعاء ونضع عليهم الملح لكل 600 غرام من اللحمة نضع نصف ملعقة كبيرة ملح ( انتبهوا هون ما لازم تكتروا ملح لان الحشوة رح يكون فيها ملوحة والمرفقات يلي مع الاكلة رح يكون فيها ملوحة), فلفل ابيض , زنجبيل , ثوم بودرة , بابريكا , بصل بودرة , كاري( هي الاكلة ما بتكترولها بهارات كتير ليش؟ لان انا بدي تظهر نكهة الحشوة) ومن ثم نقوم بخلطهم جيداً وبعدها نضعها في الثلاجة حتى ترتاح
(ولحتى يشد على بعضو) .
لتحضير حشوة السوبريم:
نضع في وعاء جبنة القشقوان , فطر معلب مقطع مكعبات ( ما بغسل الفطر لان فيه ملح) , سلامي , خردل( او فيكم تحطوا خردل بودرة ربع ملعقة كبيرة) , اوريغانو (اوريغانو حب بتجي طعمتو اقوى) ثم نقوم بخلط المكونات جيداً.
طريقة اللف:
(بعد ما ريحنا الدجاج) نقوم بفرد قطعة من النايلون ونضع عليها قطع الدجاج المقسمة ( اي نوع من النايلون بدكم ياه وحسب حجم القطعة يلي بدكم ياها انا زنت 100 غرام ؛كل ما كانت القطعة رقيقة اكثر كل ما كانت اطيب )، ونضعها في منتصف قطعة النايلون ثم نقوم بتغطيتها من طرف الثاني من قطعة النايلون ومن ثم نأتي بصحن ونضعه فوق قطعة الدجاج الملفوقة بالورق وبعدها نقوم بالضغط على قطعة الدجاج حتى تفرد وتصبح بشكل مسطح(متوازن) ثم نزيح قطعة النايلون ونضع الحشوة على قطعة الدجاج ونلف النايلون على قطعة اللحمة من الاربع جهات((وبتلفوها كتير منيح؛ طلعوا معي 6 قطع ؛هلق زاد معي حشوة انا فيكم مقادير الحشوة تعملوها لكيلو دجاج بيطلعوا معكم 10 قطع )،( في نقطة كتير مهمة هيك ما منقدر نشتغل فيهم لان طري كتير))، ثم نضعهم في الثلاجة لمدة 4 ساعات(حتى يتجمدوا معكم).
Page 1 of 1.