Chef Omar - Lebanese Sfouf

How to Make It

1. Part

لتحضير الكيك :
اولاً نقوم بتشغيل الفرن على حرارة 180 (فوق وتحت) ثم نأتي بوعاء ونضع فيه حليب ( فيكم ما تستعملوا حليب فيكم تستعملوا ماء لكن اذا استعملوا ماء لازم تحطوا مع الماء حليب بودرة ) ثم نضع سكر على الحليب ( انتوا فيكم تحطوا كاسة بس ما بتطلع حلوة مظبوط؛ وفيكم تحطوا كاستين إذا بدكم ياها حلوة كثير لكن بالنسبة الي كاسة ونص ممتاز ) ثم نضعهم على النار ( بتدفوهم على النار انتبهوا ما لازم تسخنوهم وبنفس الوقت بكون ذاب السكر ).
اولاً نأتي بزبدية ( كثير بتسألوا عن الكاسة السحرية شو هي ؟ كاسة حليب او ماء عبارة عن 200 مل )و نضع طحين الفرخة أو السميد الناعم ( الي هوي سميد ناعم انعم شي ) ثم الكركم ( الكركم ما الو طعمة اذا ما كترتوا اما اذا كترتوا بصير الو طعمة) ونخلط المكونات مع بعضها ( اهم شي نخلط الكركم منيح لانو بجمع) ومن ثم نضع البيكينغ باودر ونحرك المكونات؛ وبعدها نضيف السمنة (( اذا السمنة مو ذايبة عم نحكي عن ملعقتين كبار ، اما الزيت بيطلعوا 4او 5 ملاعق كبار انتوا فيكم تستخدموا سمنة او زيت نباتي بس هي الاكلة اصولها بالسمنة ) ،( نصيحتي الكم اذا ما استخدمنا سمنة واستخدمنا زيت منكه الاكلة لان هي الاكلة اساسها طعمة سمنة فإنتوا حطيتوا زيت فلازم تنكهوا الاكلة متل هيل ، يانسون ، فانيليا , برش برتقال))

2. Part

ثم نحرك السمنة مع الخليط الجاف ( لازم كلو ياخذ من السمنة ، حبات السميد وحبات الطحين) ومن ثم ننزل خليط الحليب والسكر عليهم ( ليش الحليب بدي ياه يكون دافي ؟ لان انا عندي سميد حبة السميد بدها تفتح ) ثم نخلط المكونات بالمشبك اليدوي جيداً ( كل انواع. الكيك لما ينزل الخليط الجاف مع السائل منحركها بالسباتولا وشوي شوي الا هي الاكلة لانو مافيها بيض يعني ما بأثر اذا ربطت مع بعضها فلازم نحركها بالمشبك اليدوي كثير منيح لحتى يصير الها قوام معين )، ثم نضع الخل في كأس مع البيكينغ صودا ونضعهم على الخليط السابق ونخلط المكونات جيداً (( شو بتفرق بيكينغ صودا عن البيكينغ باودر ؟ البيكينغ باودر في بقلبه اسيدات يعني مادة حمضية بتخليه يتفاعل ، لكن الكربونات دائماً منضيفها اخر شي ومنحط معها مادة حمضية لحتى تتفاعل )،(أهم شي نخفقها كثير منيح لحتى ما يضل معنا تكتلات))، وبعدها نأتي بصينية الفرن المدهونة بالقليل من الطحينة ونضع بأرض الصينية زبيب ، ثم نقوم بسكب الخليط بالصينية ((ثم نأتي بقماش ونقوم بضرب أو دق الصينية عليه لحتى يطلع الهواء منها)،( هي الوصفة قد ما فتحتوا الفرن عليها ما بتهبط))، ومن ثم نضع على وجه الصينية اللوز المقشر ونضعها في الفرن (في المنتصف) ونتركها حتى الاستواء تقريباً لمدة 20_ 25 دقيقة وبعدها نخرج الصينية من الفرن ونقوم بدهن الوجه في القطر أو الشيرة (هي وسخنة قطر ، أو عسل ) ثم تصبح الصفوف جاهزة للتقديم .