Chef Omar - Ramadan table with one chicken

How to Make It

1. Part

لتحضير الدجاج :
اولاً نأتي بوعاء ونضع فيه ماء وننزل الفروج بالماء ثم نضع جزر ، قشر ليمون ، بصل ثم نرفع الوعاء على نار عالية جداً (لحتى يطالع الزفرة الي فيه) وبعد ظهور الزفرة نرفعها عن وجه المرق ( بتقشوا الزفرة كلها عن الوجه )، ثم نضيف بهارات صحيحة ( كركم ، هيل .... اي نوع بهارات صحيحة فيكم تحطوا ) ونغلق غطاء الطنجرة ونخفف النار ونتركه حتى الاستواء.

لتحضير الملوخية :
اولاً نأتي بالملوخية ونقوم بفرزها ( بتنقوا الملوخية اذا مو نظيفة)، ثم نقوم بغسلها ، ثم نغسل الكزبرة و نأتي بوعاء ونضع فيه دبس فليفلة ، ثوم مدقوق والكزبرة المفرومة ، ونقوم بفرد الملوخية بعد تصفيتها من الماء جيداً، ومن ثم نأتي بوعاء ونضع فيه سمنة ، ثوم شرحات ، ملوخية ونقوم بتحميص المكونات ( بتقلوها كلها مع بعضها ، (واهم شغلة تقلوا الملوخية كتير منيح يعني كل ورقة من الملوخية تكون تقلت 100% لتعطيكم نتيجة صح ما تمخط معكم وقت الاكل ) ، ( واذا ما عندكم كزبرة خضرا فيكم تحطوا كزبرة يابسة بهي المرحلة بتحطوا كزبرة يابسة مشان تتطلع طعمة الكزبرة اليابسة، يعني ما تحطوها اخر شي الكزبرة اليابسة))، وبعد تحميص الملوخية ( يعني وقت تصير كل ورقة فيها محمصة ) ننزل بدبس الفليفلة (ليش دبس الفليفلة ما منحطوا بالاول ؟ لان ما بيتحمل بينحرق من الاول )، ثم نضع مصفاة على الطنجرة وننزل بمرق الدجاج على الملوخية ، ونضيف الملح وبعدها نغلق الغطاء ونتركهم على نار هادئة مع تحريك المكونات مع كل فترة ( كل شوي بتحركوا الملوخية)
وبعد استواء الملوخية نرفع الطنجرة عن النار وننزل عليها الكزبرة الخضرا مع الثوم الدقوق، (وهي و سخنة) ونقلبهم على البارد وبعدها تصبح الملوخية جاهزة .

لتحضير المسخن رول :
اولاً نأتي بالبصل ونقوم بفرمهم ونضعهم في وعاء، ثم نضع عليهم زيت زيتون ، ملح( ليش الملح ؟ لحتى ترخي البصلة) ، سماق( هو اساس المسخن)، ثم نرفع الوعاء على النار ونتركهم حتى الاستواء ( بتخلوا البصلات يرخوا على مهل يعني يستوا ويصير متل المكرمل )، ثم نأتي بخبز التورتيا ونقسم الخبزة إلى اربع قطع (وبتحركوا البصل كل شوي منشان ما يلزق)، وبعد استواء البصل نرفع البصل عن النار ونضع عليه صدر الدجاج المنسل مع رشة ملح ، فلفل ابيض ، وبعدها نقوم بلف رولات المسخن ثم نأتي بصينية الفرن وندهن ارض الصينية بالقليل من الزيت، ثم نضع فيها رولات المسخن وندهن وجه الرولات بالزيت ، وبعدها ندخل الصينية إلى الفرن ونتركهم حتى الشوي ( بتكونوا مشغلين الفرن من فوق ومن تحت على اعلى حرارة قبل 15 دقيقة )، وبعدها نخرج الصينية من الفرن ونضع الرولات في طبق التقديم .

2. Part

لتحضير الفتة :
اولاً نأتي بالحمص المعلب ونغسلهم ونضعهم في وعاء مع ماء غمر ونرفعهم على النار لحتى الغليان ، ثم نقوم بتحضير البدوة في وعاء نضع لبن ، طحينة ( نصف كمية اللبن) ، ثوم مدقوق ، عصير ليمون، ، ملح ونحرك المكونات مع بعضهم ، ثم نأتي بالخبز ونقطعه إلى مربعات، ومن ثم نضع مرق الدجاج ثم ننزل بالحمص وقطع الدجاج ، ثم ننزل بالبدوة وتزين وجه الفتة بالقليل من السماق والكمون والصنوبر المحمص وبعدها تصبح الفتة جاهزة .

لتحضير الفتوش :
اولاً نفرم الخس باليدين ، نعنع ، بقلة ، خيار ، فجل ، (اصول الفتوش بالخل)، ثم نحضر تتبيلة الفتوش اولاً نضع في كأس خل تفاح ، زيت زيتون ، عصير ليمون ، ثوم مدقوق ونخلط المكونات مع بعضهم، ونضعهم في الثلاجة لوقت التقديم ، ملح، سماق ، نعنع يابس ومن ثم نخلط المكونات مع بعضها ونسكب الفتوش بطبق التقديم وبعدها يصبح الفتوش جاهزاً .

لتحضير الشوربة :
اولاً نأتي بالفطر ونقوم بتنظيفه جيداً بورق المطبخ ( بتمسحوا الفطر بقماشة " الفطر ما بيتغسل ابداً " )، ثم نقوم بتقطيع الفطر ، ثم نقوم بفرم صدر دجاج إلى مكعبات، ومن ثم نضع في وعاء زبدة ونرفع الوعاء على النار ونترك النار قوية ، ثم ننزل الفطر ونقوم بتحميصه، ومن ثم نحضر بهارات الشوربة زنجبيل ، فلفل ابيض ، بودرة ثوم ، بودرة بصل ، كركم ، طحين وبعد تحميص الفطر ننزل بالطحين عليه والبهارات ونحرك جميع المكونات مع بعضهم، ثم ننزل عليهم بمرق دجاج و كريمة الطبخ ونحرك الخليط ( وانتوا عم تذوب ا الكريمة معن بتحطوا دجاج ) ونتركهم لمدة 5 دقائق (لحتى ينطبخوا مع بعض)، ثم نضع رشة اوريغانو وبعدها تصبح الشوربة جاهزة للتقديم .

لتحضير الأرز :
في وعاء نقوم بتحميص الشعيرية ثم نضيف الأرز ونحركهم مع بعضهم ، ملح ، مرق دجاج، وبعدها نغلق غطاء الطنجرة ونترك النار عالية حتى يشرب الأرز مرق الدجاج ( لحتى يطلع عشاش الارز) ، ثم نخفف النار تحت الأرز ونتركه حتى الاستواء.