لتحضير عجينة الحراق أصبعه :
ناتي بوعاء ونضع فيه طحين , ملح ونحرك المكونات مع بعضها، ثم ننزل عليهم بالماء ونقوم بعجن المكونات جميعها، ومن ثم نترك العجينة لمدة 10 دقائق ( بتضلوا تعجنوا لحتى تصير عجينة طرية وتصير متل المطاط , بتخلوا العجينة ترتاح لمدة 10 دقائق ) وبعدها نضع طحين على الطاولة ونقوم بفرد العجينة بالشوبك وتقطيعها لقطع صغيرة (( بتضلوا تفردوا لحتى تصير رقيقة لان العجين بينفش فلازم يكون رقيق ) , ( وبعد ما بتفرفدوا العجين بترشوه بالطحين)،(و بتطوه عن طاق اول وبترجعوا ترشوا طحين وبتطوه طاق ثاني وبترجعوا تقطعوه بالسكين وبعد ما قطعتوا العجين بتفردوا كأنوا فوتوتشيني وبترجعوا ترشوا عليه طحين وبتقطعوه بسكين قطع صغيرة قد خرطة الاصبع , وانتوا وعم تقطوه بتفرفدوا العجين منشان ما يدبق ببعضوا وبعد ما تخلصوا تقطيع العجين بتحطوهم بمنخلة وبتنخلوهم من الطحين منشان ما يعجنوا على بعضهم).
لتحضير زينة الحراق أصبعه :
ناتي بالبصل ونقطعه لشرحات ( أهم شي يكونوا قد بعض ورقاق منشان يستوا سوا ) ثم نضع الزيت على النار ونتركه حتى يسخن ثم نضع شرحات البصل ونقوم بقليهم ( مو لازم يكون زيت كثير حامي )، ( ما بتحركوهم نهائي لحتى ياخذوا لون ذهبي , اهم شغلة يكون لون البصل جنح الدبور لان اذا اسود البصل بيمرمر )، ومن ثم نقوم بفرم الكزبرة الخضراء ونقوم بتقطيع خبز التورتيا لمربعات وبعدها نقوم بقليهم في الزيت حتى يصبح لونهم ذهبي ثم نقوم بفرط الرمان في وعاء .
Page 1 of 1.