لتحضير حشوة البطاطا(ذرة محمصة):
وبعد مرحلة شوي البطاطا ( كيف بتفحصوهم؟ بتحطوا السكين بالبطاطا بتلاقوها بتفوت وبتطلع بسرعة)؛ نأتي بالذرة (انا ما بدي اترك الذرة متل ما هو) ونضعها على النار ونضيف لها القليل من الزبدة مع أي نوع جبنة دهن(على حسب الكمية) , بودرة جبنة الشيدر , ثم نقوم بتحميص المكونات مع بعضهم قليلاً (هي الطريقة فيكم تعملوها للذرة بس مو ضروري بس لبطاطا الكومبير) .
مرحلة التطبيق:
نقوم بإغلاق الفرن ونخرج البطاطا ونضعها في صحن التقديم ( هي الاكلة فيها شغلة وحدة وهي وسخنة بدك تشتغل فيها ) ثم نقطع البطاطا في المنتصف وبشكل طولي ثم نقوم بإخراج لب البطاطا لمنتصف قطعة البطاطا ( انتوا فيكم اذا ما بتستحكموا تطلعوا لب البطاطا من قلبها وتخلطوها مع يلي بدكم ياه وترجعوا تحطوه بقلبها لكن هي هيك اصولها وهيك طيابتها ) ثم نضع الملح ( لازم تعطوها ملح مزبوط لان هي الاكلة بتاخد ملح ) وبعدها قطع الزبدة ( حسب الرغبة) , ثوم , جبنة قشقوان (هي وسخنة البطاطا منشان تذوب الجبنة وبتمدوا الجبنة منيح وبتخلطوها مع الزبدة) ثم نخلط المكونات جميعها حتى ذوبان الجبنة (لحتى تدوب الجبنة) ونضيف المرتديلا , زيتون اخضر مقطع , زيتون اسود مقطع, فطر , ذرة محمصة, كتشب , مايونيز , ومن ثم تصبح بطاطا الكومبير جاهزة.
Page 1 of 1.